თქვენი მიზნების წარმატებით რეალიზებისათვის, სარემონტო სამუშაოების დაწყებამდე თქვენ გარკვევით უნდა გქონდეთ წარმოდგენილი საკუთარი ქმედების საბოლოო შედეგი, რისთვისაც აუცილებელია იმ სივრცის დიზაინ-პროექტის დამუშავება, სადაც გადაწყვეტილი გაქვთ რემონტის ჩატარება.

ინტერიერის დიზაინ-პროექტი არ არის ”იაფი სიამოვნება” და ვერც ნებისმიერი მისცემს თავს უფლებას პროფესიონალი დიზაინერის მომსახურებით სარგებლობისა. თუმცაღა, დიზაინ-პროექტი სარემონტო სამუშაოების ის ნაწილი არ არის, რომელზედაც ეკონომიის გაკეთებით შეძლებთ მიიღოთ თქვენთვის სასურველი შედეგი. დიზან-პროექტის დახმარებით წინასწარ ხდება მრავალი, ვითომდა უმნიშვნელო დეტალის დაფიქსირება, რომელთა არ გათვალისწინებამ შესაძლოა შექმნას სერიოზული პრობლემები და შეფერხებები სარემონტო სამუშაოების პროცესში.

ინტერიერის დიზაინ-პროექტი მოიცავს არა მარტო ესკიზურ ნაწილს, სადაც დაფიქსირებულია ინტერიერის სივრცის გეგმარება, ავეჯის განთავსება, მოსაპირკეთებელი მასალები, არამედ მასში წარმოდგენილია კედლების განშლა, ჭერებისა და იატაკების გეგმები, განათების, ვენტილაციის, გათბობა-კონდეცირების, ინტერიერში გამოყენებული რთული ეელემენტების დეტალური სქემები და ჭრილები, მასალებისა და მოსაპირკეთებელი სამუშაოების უწყისები.